რუსთავი-მარტყოფის გზაზე ერთმანეთს ევაკუატორი და მანქანა შეეჯახნენ - არის მსხვერპლი
თბილისის შემოვლით გზაზე, რუსთავი-მარტყოფის მონაკვეთზე, ავტოსაგზაო შემთხვევის შედეგად ერთი ადამიანი დაიღუპა.
არსებული ინფორმაციით, ერთმანეთს ევაკუატორი და მსუბუქი ავტომანქანა შეეჯახა. დაღუპული კი, მსუბუქი ავტომანქანის მძღოლია.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 276-ე მუხლითაა დაწყებული, რაც სატრანსპორტო მოძრაობის წესების დარღვევას გულისხმობს, რამაც ადამიანის სიცოცხლის მოსპობა გამოიწვია.
"ინტერპრესნიუსი"