ესპანეთი დაახლოებით ნახევარი მილიონი მიგრანტის ლეგალიზაციის პროცესს იწყებს
ესპანეთის პრემიერ-მინისტრის, პედრო სანჩესის ცნობით, დღეს ქვეყნის მთავრობა სამეფო განკარგულებას დაამტკიცებს, რომელიც დაახლოებით 500 000 არალეგალი მიგრანტის ლეგალიზაციის პროცესის დაწყებას ითვალისწინებს.
სანჩესის განცხადებით, აღნიშნული გადაწყვეტილება „ნორმალიზაციისკენ და რეალობის აღიარებისკენ“ გადადგმული აუცილებელი ნაბიჯია.
„ჩვენ უფლებებს ვაღიარებთ, მაგრამ ასევე პასუხისმგებლობას ვითხოვთ, რათა იმ ადამიანებმა, რომლებიც ჩვენი ყოველდღიური ცხოვრების ნაწილს წარმოადგენენ, ეს თანაბარ პირობებში გააკეთონ“, - წერს სანჩესი X-ზე.
"ინტერპრესნიუსი"