"ვფიქრობ, ის სულიერად გატყდებოდა" - ოდრი ჰეპბერნის ვაჟი აცხადებს, რომ დღევანდელი მსოფლიო გარდაცვლილ მსახიობს დიდ ტკივილს მოუტანდა
ოდრი ჰეპბერნი ჰოლივუდის ერთ-ერთი გამორჩეული ვარსკვლავი იყო. თუმცა, მან წლების შემდეგ კინოინდუსტრიას შეგნებულად ზურგი აქცია და მთელი ენერგია სხვების დახმარებას მიუძღვნა. UNICEF-ში მისმა მოღვაწეობამ არა მხოლოდ გატაცების, არამედ ცხოვრებისეული მისიის სახე მიიღო. მისი გარდაცვალებიდან ათწლეულების შემდეგ, ვაჟი - შონ ჰეპბერნ ფერერი, კვლავაც ფიქრობს იმაზე, თუ რაოდენ ღრმა კვალი დატოვა ამ საქმიანობამ დედამისის პიროვნებაზე.
"იუნისეფში გატარებულ წლებს იგი ყოველთვის თავის მეორე და ყველაზე მნიშვნელოვან კარიერად მიიჩნევდა. ვფიქრობ, ყოველივე ამას მისთვის უდიდესი დატვირთვა ჰქონდა, რადგან საკუთარ მოვალეობას ის განსაკუთრებული პასუხისმგებლობით ეკიდებოდა," - აღნიშნა ფერერმა გამოცემა Woman’s World-თვის მიცემულ ინტერვიუში. ინტერვიუ რამდენიმე დღის წინ გამოქვეყნდა.
"ის არ ყოფილა უბრალოდ ვარსკვლავი, რომელიც ღონისძიებებზე მხოლოდ წინასწარ მომზადებული ტექსტის წასაკითხავად მიდიოდა. ის გულმოდგინედ სწავლობდა თითოეულ საკითხს და კეთილი ნების ელჩის როლისთვის ზუსტად ისევე ემზადებოდა, როგორც კინოროლებისთვის", - თქვა მსახიობის ვაჟმა.
ფილმის, "საუზმე ტიფანისთან", ვარსკვლავი იუნისეფის კეთილი ნების ელჩის მოვალეობას 1988 წლიდან 1993 წლამდე ასრულებდა. კრიზისულ მდგომარეობაში მყოფი ბავშვების დასაცავად იგი ინტენსიურად მოგზაურობდა აფრიკის, სამხრეთ ამერიკისა და აზიის სხვადასხვა რეგიონში. მისი ვაჟის თქმით, ეს საქმიანობა მისთვის არა სიმბოლური, არამედ სრულად გააზრებული ნაბიჯი იყო. ფერერმა ხაზი გაუსვა იმ მიდგომასაც, რომლითაც მსახიობი ცხოვრების ბოლო წლებში ხელმძღვანელობდა: