საწვავის კრიზისი: შეფერხდება თუ არა საქართველოდან ფრენები ევროპაში?! - Wizz Air-ის ოფიციალური განცხადება - კვირის პალიტრა

„ავიაკომპანიას მომარაგებული აქვს საწვავის საჭიროების დაახლოებით 70%“ - კომპანია Wizz Air-ი ოფიციალურ განცხადებას აქვეყნებს და უარყოფს ნებისმიერ ცვლილებას საწვავის ფასების ცვალებადობის გამო.

ავიაკომპანიის მტკიცებით, მათ საწვავის საჭიროების დაახლოებით 70% მომდევნო 6 თვის განმავლობაში და დაახლოებით 60% - 2027 წლის მარტის ბოლომდე აქვთ მომარაგებული.

“Wizz Air კატეგორიულად უარყოფს ნებისმიერ ვარაუდს იმის შესახებ, რომ ავიაკომპანია მაღალი რისკის წინაშეა საწვავის ფასების ცვალებადობის გამო. ავიაკომპანიას მომარაგებული აქვს საწვავის საჭიროების დაახლოებით 70% მომდევნო 6 თვის განმავლობაში და დაახლოებით 60% - 2027 წლის მარტის ბოლომდე, რაც უზრუნველყოფს ხარჯების მკაფიო პროგნოზირებადობას და დაცვას არასტაბილურ საბაზრო გარემოში.

გარდა ამისა, ჩვენ გვაქვს ინდუსტრიაში ერთ-ერთი ყველაზე ეფექტიანი ხარჯების სტრუქტურა. ავიაკომპანია ოპერირებს ევროპაში ერთ-ერთ ყველაზე ახალგაზრდა საჰაერო ფლოტით, რომლის საშუალო ასაკი 4.5 წელია, ხოლო თვითმფრინავების 75% მიეკუთვნება თანამედროვე A320neo ოჯახს, რომელიც უზრუნველყოფს დაახლოებით 17%-ით ნაკლები საწვავის მოხმარებას წინა თაობებთან შედარებით. ეს სტრუქტურული ეფექტიანობა კიდევ უფრო ამცირებს მოწყვლადობას საწვავის ფასების არასტაბილურობის მიმართ.

ავიაკომპანია ევროპის ქსელის მასშტაბით არ ხედავს რაიმე სტრუქტურულ პრობლემას საწვავის მიწოდებაში. ბოლო პერიოდში ევროპის აეროპორტებში მომხდარი ნებისმიერი შეფერხება იყო იზოლირებული, ხანმოკლე ხასიათის და არანაირი გავლენა არ მოუხდენია ოპერირებაზე — დაგეგმილ ფრენებში არცერთი გაუქმება ან დაგვიანება არ დაფიქსირებულა.

"ინტერპრესნიუსი"

განაგრძე კითხვა