"საქართველოს საელჩოში UFC-ის მსოფლიო ჩემპიონს, ილია თოფურიას ვუმასპინძლეთ" - რა ფოტოებს აქვეყნებს საქართველოს ელჩი თამარ ტალიაშვილი?
UFC-ს ქართველი მებრძლი ილია თოფურია აშშ-ში იმყოფებოდა და პრეზიდენტ დონალდ ტრამპს შეხვდა. ილია თოფურიას საქართველოს საელჩოშიც უმასპინძლეს:
"საქართველოს საელჩოში UFC-ის მსოფლიო ჩემპიონს, ილია თოფურიას ვუმასპინძლეთ.
ჩვენს სახელოვან მებრძოლს გადავეცით ძველ-კოლხური ქამრის ბალთა, რომელიც, გვჯერა, მომავალ ისტორიულ ბრძოლაში გამარჯვებისა და მსოფლიო ჩემპიონის ქამრის დაცვის სიმბოლური ნიშანი იქნება.
ილია თოფურია ვაშინგტონში აშშ-ის პრეზიდენტის, დონალდ ტრამპის, მოწვევით იმყოფებოდა და თეთრი სახლის ოვალურ კაბინეტში გამართულ პრესკონფერენციაში მიიღო მონაწილეობა.
ღონისძიებას ასევე დაესწრო UFC-ის გამორჩეული მებრძოლი, ალექსანდრე თოფურია. - ვკითხულობთ თამარ ტალიაშვილის პოსტში, რომელსაც საქართველოს ელჩი აქვეყნებს.