"ათასობით ადამიანი დაესწრო ხიზირის დაკრძალვას... მისი დედა მესამე შვილზეა ორსულად...“ - ინგუშეთში მომხდარი ტრაგედიის დეტალები - კვირის პალიტრა

2026 წლის ივ­ნი­სის შუა რი­ცხვებ­ში ინ­გუ­შეთ­ში მომ­ხდარ­მა ტრა­გე­დი­ამ მთე­ლი კავ­კა­სია ფეხ­ზე და­ა­ყე­ნა. პა­ტა­რა ბი­ჭუ­ნას ის­ტო­რი­ამ, რო­მელ­მაც სა­კუ­თა­რი სი­ცო­ცხლის ფა­სად მე­გო­ბა­რი სიკ­ვდილს გა­და­არ­ჩი­ნა, მო­მენ­ტა­ლუ­რად გა­დაკ­ვე­თა სა­ზღვრე­ბი და ათა­სო­ბით ადა­მი­ა­ნი უპ­რე­ცე­დენ­ტო სო­ლი­და­რო­ბის გარ­შე­მო გა­ა­ერ­თი­ა­ნა. რვა დღის გან­მავ­ლო­ბა­ში რე­გი­ო­ნი სუნ­თქვა­შეკ­რუ­ლი ელო­და სას­წა­ულს, თუმ­ცა და­სას­რუ­ლი მძი­მე აღ­მოჩ­ნდა.

ყვე­ლა­ფე­რი 15 ივ­ნისს და­ი­წყო, რო­დე­საც ხი­ზირ დერ­ბი­ჩე­ვის დედა, რო­მე­ლიც სკო­ლა­ში მედ­დად მუ­შა­ობს, მო­რი­გე­ო­ბა­ზე მი­დი­ო­და. მან უფ­როს ვაჟს, 8 წლის ხი­ზირს სთხო­ვა, უმ­ცრო­სი ძმის­თვის მი­ე­ხე­და და მა­მას­თან ერ­თად ყო­ფი­ლი­ყო. თუმ­ცა, სე­ირ­ნო­ბი­სას ბავ­შვე­ბი მე­გობ­რებ­თან ერ­თად მდი­ნა­რე სუნ­ჟას ნა­პი­რას აღ­მოჩ­ნდნენ. ზა­ფხუ­ლის ერთი ჩვე­უ­ლებ­რი­ვი დღე წამ­ში გა­და­იქ­ცა კოშ­მა­რად, რო­დე­საც ხი­ზი­რის მე­გო­ბარს, ადამს, ფეხი აუ­ცურ­და და ადი­დე­ბულ მდი­ნა­რე­ში ჩა­ვარ­და.

იმ მო­მენ­ტში 8 წლის ბი­ჭუ­ნამ გა­მო­ი­ჩი­ნა ისე­თი სი­მა­მა­ცე, რო­მე­ლიც დიდ ადა­მი­ა­ნებ­საც კი იშ­ვი­ა­თად ახა­სი­ა­თებთ. მან მე­ო­რე მე­გო­ბარს, მუ­ჰა­მადს გა­და­ხე­და და უთხრა სი­ტყვე­ბი, რომ­ლებ­მაც შემ­დგომ­ში მთე­ლი რე­გი­ო­ნი აა­ტი­რა: „მოდი, ჩვენ ხომ კა­ცე­ბი ვართ, მოდი გა­და­ვარ­ჩი­ნოთ!“. ხი­ზი­რი უყოყ­მა­ნოდ გა­დახ­ტა ყი­ნუ­ლი­ან, ადი­დე­ბულ წყალ­ში, მი­ცურ­და მე­გო­ბარ­თან და მო­ა­ხერ­ხა მის­თვის ხელი ეკრა და ნა­პირ­ზე მყო­ფი ხის ფეს­ვე­ბი­სა და ტო­ტე­ბის­კენ გა­იყ­ვა­ნა.

განაგრძეთ კითხვა