"ზღვის დონე აიწევს... ნახეთ საიტზე, როგორი დრამატული სურათია მოსალოდნელი...“ - რას აცხადებს გარემოს დაცვის ექსპერტი მამუკა გვილავა
წყალდიდობები მომრავლდა, მაგრამ სანაპიროს ინტეგრირებული მართვა არ გვაქვს“, - ამის შესახებ რადიო „პალიტრას“ გადაცემაში „თქვენი დრო“ გარემოს დაცვის შეფასების ექსპერტმა, მამუკა გვილავამ განაცხადა.
მისი თქმით, მომავალ წლებში ზღვის დონე აიწევა, რისთვის საჭიროა მზაობა. ამ ნაწილში საუბრისას რესპონდენტი აღნიშნავს, რომ რიგ ქვეყნებს შემუშავებული აქვს სანაპიროს ინტეგრირებული მართვის მექანიზმები, რისი შემოღებაც საქართველოშიც მნიშვნელოვანია.
„ხმელთაშუა ზღვის ქვეყნებს პროტოკოლი აქვთ მიღებული. ეს არის სანაპიროს ინტეგრირებული მართვის კონვენციის დანართი, მას ხმელთაშუა ზღვის აუზის ყველა ქვეყნისთვის სამართლებრივი ძალა აქვს. წყალდიდობები მომრავლდა ჩვენთანაც, მაგრამ სანაპიროს ინტეგრირებული მართვა არ გვაქვს.
„არ არის აუცილებელი, რომ სასტუმრო სანაპირო ხაზზე ააშენოთ“
სანაპირო სპეციფიკური ადგილია, განსხვავდება ქვეყნის დანარჩენი რეგიონებისთვის, ამიტომ მართვის ზომებიც უნდა იყოს განსხვავებული. აუცილებელია კოორდინაცია ვერტიკალურ და ჰორიზონტალურ დონეზე, ამიტომ ჰქვია ინტეგრირებული მართვა. გაგიკვირდებათ, იმდენად არაკოორდინირებულად იმართება ხოლმე პროცესები, კოორდინაციას აქვს თავის მექანიზმები.