ხინკალი და ლუდი გაძვირდა
სტატისტიკის ეროვნული სამსახურის მონაცემებით, საქართველოში მიმდინარე წლის ივნისში, წინა თვესთან შედარებით, ინფლაციამ 0.1%, ხოლო წლიური ინფლაციის დონემ 5.8% შეადგინა.
ამავე მონაცემებით, საბაზო ინფლაციამ 2026 წლის ივნისში, გასული წლის შესაბამის პერიოდთან შედარებით 3.5% შეადგინა, ხოლო თამბაქოს, გარეშე წლიური საბაზო ინფლაციის მაჩვენებელი 3.2%-ით განისაზღვრა.
სტატისტიკის თანახმად, ცალკეულ პროდუქტებთან ერთად, წლიურად გაზრდილია რესტორანსა და კაფეებში კვების ღირებულებაც.
უფრო კონკრეტულად, საქსტატის მონაცემებით, სადილი რესტორანში 10.8%-ითაა გაძვირებული.
ასე მაგალითად, წლიურად 8%-ითაა ფასი გაზრდილი რესტორანში ხინკალზე, ხოლო ლუდზე - 9.6%-ით.