"აშშ-ის, როგორც მსოფლიო ჩემპიონატის მასპინძლის, ქცევა მის საგარეო პოლიტიკას მიჰყვება: წესების დარღვევა, მეტოქეების დაშინება, დაბრკოლებების შექმნა და მოტყუება" - ირანის პრეზიდენტი
ირანის პრეზიდენტი მასუდ პეზეშკიანი შეერთებულ შტატებს აკრიტიკებს და მის საგარეო პოლიტიკას ფეხბურთის მსოფლიო ჩემპიონატის მასპინძლის რანგში მის ქცევას ადარებს.
„აშშ-ის მთავრობის, როგორც მსოფლიო ჩემპიონატის მასპინძლის, ქცევა მის კარგად ნაცნობ საგარეო პოლიტიკას მიჰყვება: წესების დარღვევა, მეტოქეების დაშინება, დაბრკოლებების შექმნა და მოტყუება. ეს მათი MAGA-ს სახელმძღვანელოა. ირანი უარყოფს ასეთ თამაშებს. ჩვენ მტკიცედ ვიცავთ ჩვენს უფლებებს“, - დაწერა პეზეშკიანმა X-ზე.
ირანის პრეზიდენტის აღნიშნულ კომენტარს წინ უძღოდა სპარსეთის ყურეში ღამით განხორციელებული დარტყმები. ირანმა განაცხადა, რომ ბაჰრეინსა და ქუვეითში აშშ-ის სამხედრო სამიზნეები აშშ-ის თავდასხმების ტალღის საპასუხოდ დაბომბა. თავის მხრივ, აშშ-მა განმარტა, რომ მისი სამხედრო მოქმედებები და ირანულ ნავთობზე სანქციების ხელახლა დაწესება ჰორმუზის სრუტის მახლობლად ირანის მიერ გემებზე განხორციელებული თავდასხმების პასუხი იყო.
"ინტერპრესნიუსი"