მხიარული დაბადების დღე მეუღლესთან და მეგობრებთან ერთად - რა კადრებს ავრცელებს მარიამ შარმანაშვილი
მარიამ შარმანაშვილი დაბადების დღის წვეულების კადრებს აქვეყნებს. ვიდეოზე ჩანს, რომ ის ამ დღეს მეუღლესთან - მაესტრო კარლო პონტისთან და მეგობრებთან ერთად აღნიშნავს.
ცოტა ხნის წინ ინფლუენსერმა და ზუმბას სპეციალისტმა მარიამ შარმანაშვილმა სოციალურ ქსელში გამომწერების შეკითხვებს უპასუხა, თუ როგორია მისი ურთიერთობა მაესტრო კარლო პონტისთან, სად გეგმავს სამომავლოდ ცხოვრებას და რამდენად კარგია წყვილისთვის პერიოდული დისტანცია.
მარიამის თქმით, ამ ეტაპზე კერძო სახლში, სიმწვანეში ქირით ამჯობინეს ცხოვრება, რადგან გაფართოება სჭირდებოდათ, მის ვაჟ დემეს - საკუთარი სივრცე და რაკი შესაფერისი სახლი შესაძენად ვერ იპოვეს ამ ეტაპზე, ქირით დასახლდნენ. თუმცა სახლის ყიდვა კვლავ გეგმაში აქვს წყვილს და ეძებენ ვარიანტს, რომელიც უფრო მოეწონებათ.