თბილისის საკრებულოსთან აქციაზე დაკავებულ აქტივისტს, ია მელითაურს სასამართლომ 5-დღიანი პატიმრობა განუსაზღვრა
თბილისის საკრებულოსთან გამართულ აქციაზე დაკავებული აქტივისტი, ია მელითაური სასამართლომ ადმინისტრაციულ სამართალდამრღვევად ცნო.
მოსამართლე თორნიკე კაპანაძემ ია მელითაური 5-დღიან პატიმრობაში გაუშვა.
ცნობისთვის, თბილისის საკრებულოსთან, აქციის მიმდინარეობისას 10 პირი: თორნიკე თოშხუა, მარიამ მეყანწიშვილი, ია მელითაური, ნატო ბოლქვაძე, სანდრო სეხნიაშვილი, ლაშა დგებუაძე, ვასო ბერიძე, მარინე ნანავა, თორნიკე ტიკარაძე და შაკო ბაღდოშვილი დააკავეს.
შსს-ს ცნობით, დაკავებულებს “შეურაცხმყოფელი შინაარსის ბანერები ეჭირათ ხელში”.
ისინი ადმინისტრაციულ სამართალდარღვევათა კოდექსის 166-ე და 173-ე მუხლებით დააკავეს, რაც წვრილმან ხულიგნობასა და სამართალდამცავებისთვის წინააღმდეგობის გაწევას გულისხმობს.
“ინტერპრესნიუსი“