"დასავლეთი სომხეთს აშანტაჟებს - მიზანი სამხრეთ კავკასიიდან რუსეთის განდევნაა" - რუსეთის საგარეო უწყება
დასავლეთი სომხეთის მიმართ შანტაჟის პოლიტიკას ატარებს, რაც სრულად შეესაბამება მის არაკეთილსინდისიერ თამაშს, რომლის მიზანიც სამხრეთ კავკასიის რეგიონიდან რუსეთის განდევნაა, - ამის შესახებ რუსეთის საგარეო საქმეთა სამინისტრომ განაცხადა.
„დიდი ალბათობით, სომხეთის ხელისუფლებას უბრალოდ აშანტაჟებენ. ეს სრულად შეესაბამება დასავლეთის დედაქალაქების არაკეთილსინდისიერ თამაშს, რომლის მიზანიც სამხრეთ კავკასიის რეგიონიდან რუსეთის განდევნაა“, - განაცხადეს უწყებაში.
სამინისტროს მტკიცებით, ერევნის არგუმენტები, რომ რუსეთისთვის რკინიგზის მართვის კონცესიის მინიჭება ხელს უშლის მას ლოგისტიკურ ინიციატივებში მონაწილეობაში, სინამდვილეს არ შეესაბამება.
"ინტერპრესნიუსი"