“ციხეში გასტუმრებული ღარიბაშვილის გამოსვლებზე უფრო დაბალი დონის გამოსვლა ასე შეიძლება შეფასდეს: „საქართველო არის ტერიტორია, რომელსაც ივანიშვილი აკონტროლებს, თუ რამე გინდათ ამ ტერიტორიაზე, გვესაუბრეთ“ - სალომე სამადაშვილი გაეროში პრემიერის გამოსვლაზე - კვირის პალიტრა

ციხეში გასტუმრებული ღარიბაშვილის გამოსვლებზე უფრო დაბალი დონის გამოსვლის შინაარსი ასე შეიძლება შეფასდეს: „საქართველო არის ტერიტორია, რომელსაც ივანიშვილი აკონტროლებს, თუ რამე გინდათ ამ ტერიტორიაზე, მაგალითად კაბელის გაყვანა, მოდით და გვესაუბრეთ,- ასე აფასებს „ლელო-ძლიერი საქართველოს“ ერთ-ერთი ლიდერი, სალომე სამადაშვილი გაეროში პრემიერის გამოსვლას.

სამადაშვილის შეფასებით, კობახიძის გამოსვლა „უშინაარსო, ღრმად პროვინციული იყო“.

„ძალიან მოკლედ ივანიშვილის წარმომადგენლის, კობახიძის სრულიად უშინაარსო, ღრმად პროვინციული, ყოველგვარ ეროვნული ამბიციისა და პოლიტიკური სიმძიმისგან დაცლილი გამოსვლის შესახებ:

• მზარდი ანექსიის პროცესის და ოკუპაციის გაღრმავების ფონზე, არც ერთი სიტყვა ანექსიაზე, არანაირი გზავნილი საერთაშორისო საზოგადოებას, რას ველოდებით, რა გვჭირდება; არც ერთი სიტყვა რუსეთზე, რომელიც ზრდის ზეწოლას ანექსიის მიმართულებით, აგრძელებს 2008 წლის „ცეცხლის შეწყვეტის“ ხელშეკრულების დარღვევას; არც ერთი სიტყვა, რომ რუსეთ-უკრაინის ომის დასრულებაზე მოლაპარაკებების პროცესში მსოფლიომ არ უნდა დაივიწყოს საქართველოს ტერიტორიების ოკუპაცია, გენოციდი, ასობით ათასი დევნილი, რომლებიც სახლში დაბრუნებას ელოდება. მოკლედ კი-სიცარიელე, ზრდილობისთვის ნახსენები ოკუპაცია.
• გაუქმებული ევროპული დღის წესრიგი. არც ერთი სიტყვა საქართველოს საგარეო პოლიტიკის მთავარ ამოცანაზე. ევროკავშირში გაწევრიანება არის ამ ქვეყნის მთავარი ეროვნული არჩევანი და ეროვნული გადარჩენის პროექტი, რომელიც გააუქმა ივანიშვილმა. ეს კიდევ ერთხელ დადასტურდა ამ საკითხის გაქრობით მისი წარმომადგენლის გამოსვლიდან.

განაგრძეთ კითხვა