28 სექტემბრიდან ლევან სანიკიძის ექვსტომეულის პირველი ტომის გაყიდვა იწყება - კვირის პალიტრა

28 სექტემბრიდან „პალიტრა L“ ლევან სანიკიძის ექვსტომეულის გამოცემას იწყებს. ექვსი ტომისგან შემდგარი სერია ეტაპობრივად გამოვა და ავტორის მნიშვნელოვან ნაშრომებს ერთ გამოცემად გააერთიანებს.

ექვსტომეულის პირველი ოთხი ტომი ლევან სანიკიძის ცნობილ ისტორიულ-ეპიკურ ნაშრომს „უქარქაშო ხმლებს“ დაეთმობა. საინტერესოა, რომ ეს ნაწარმოები 1976–1981 წლებში გამოქვეყნდა და ავტორმა მასში საქართველოს ისტორია მხატვრულ-დოკუმენტური პროზის ფორმით გადმოსცა. რომანი საქართველოს ისტორიას ქართველი ხალხის სხვა, ახლობელ თუ შორეულ ხალხებთან ურთიერთობის ფონზე მოგვითხრობს.

სერიის მეხუთე ტომი იქნება „წიგნი მოწამეთა“, ხოლო მეექვსე - „309 ქართული სირცხვილი; 777 ქართული სიქველე“.

ლევან სანიკიძეს მნიშვნელოვანი ადგილი უკავია ქართული ისტორიოგრაფიისა და ისტორიის პოპულარიზაციის ისტორიაში. ის იყო ისტორიის მეცნიერებათა დოქტორი, პროფესორი და 1975 წლიდან თბილისის სახელმწიფო უნივერსიტეტის ძველი მსოფლიოს ისტორიის კათედრას ხელმძღვანელობდა. მან თავისი საქმიანობით და შემოქმედებით ისტორიულ თემებზე საუბარი ფართო საზოგადოებისთვისაც საინტერესო გახადა. 1995 წელს ლევან სანიკიძეს ღირსების ორდენი მიენიჭა.

მნიშვნელოვანია, რომ 28 სექტემბრიდან ერთი კვირის განმავლობაში „უქარქაშო ხმლების“ პირველი ტომის სპეციალური ფასი 18 ლარი იქნება, 28 ლარის ნაცვლად. მისი შეძენა შესაძლებელი იქნება palitral.ge-ზე, „ბიბლუსის“ მაღაზიათა ქსელსა და პრესის გავრცელების ჯიხურებში.

ექვსტომეულის დარჩენილი ხუთი ტომი მკითხველისთვის ეტაპობრივად გახდება ხელმისაწვდომი.

R