„მხოლოდ სიაში ყოფნაც კი ჩემთვის დიდი სიურპრიზი იყო“ - რას წერს იტალიური კინოს ქართველი ვარსკვლავი, ლუკა ჩიქოვანი ახალ პროექტზე
იტალიაში მცხოვრები ქართველი მსახიობი ლუკა ჩიქოვანი კინოს კიდევ ერთი მნიშვნელოვანი გამოცდილების შესახებ წერს. მისი ახალი ფილმი Finale Allegro, რომელშიც იტალიელ მსახიობ ბარბარა ბუშესთან ერთად მონაწილეობს, იტალიის სახელით “ოსკარზე“ წარდგენისთვის განიხილებოდა. როგორც მსახიობი თავად წერს, ფილმის შერჩევის სიაში მოხვედრაც კი მისთვის მოულოდნელი და მნიშვნელოვანი აღმოჩნდა.
„მხოლოდ სიაში ყოფნაც კი ჩემთვის დიდი სიურპრიზი იყო“, - აღნიშნავს ჩიქოვანი და ამ გამოცდილებას განსაკუთრებულად აფასებს.
Finale Allegro მისთვის მხოლოდ მორიგი კინოროლი არ აღმოჩნდა. ფილმში მსახიობი კვლავ რთულ და უარყოფით პერსონაჟს განასახიერებს - როლს, რომელიც, როგორც თავად ხუმრობით ამბობს, მისთვის უკვე ნაცნობი ტერიტორიაა: „როგორც ყოველთვის, ტოქსიკური, ცუდი ბიჭის როლებს ვასრულებ...“
ამჯერად, პერსონაჟის შექმნას კიდევ ერთი, საკმაოდ რთული დეტალი ახლდა. ჩიქოვანს ყოფილი საბჭოთა კრიმინალის როლი აქვს და მისი ვიზუალური სახის მნიშვნელოვანი ნაწილი სწორედ ამ პერსონაჟის ტატუებს უკავშირდება. მსახიობი წერს, რომ ასეთი ტატუების ტარება მარტივი არ ყოფილა, განსაკუთრებით მაშინ, როცა ფილმი თავისი ბუნებით „ძალიან ფაქიზია“, მისი პერსონაჟი კი ამ სიფაქიზისგან სრულიად განსხვავებული სამყაროს წარმომადგენელია.
ლუკა ჩიქოვანისთვის Finale Allegro-სთან დაკავშირებული ისტორია მხოლოდ მსახიობობით არ დასრულებულა. მან ფილმის საუნდტრეკის შექმნაშიც მიიღო მონაწილეობა და, როგორც თავად აღნიშნავს, მის მიერ შესრულებული მუსიკალური ნაწილი ქართულ ენაზე იყო.
ეს დეტალი განსაკუთრებით საინტერესოა - იტალიურ კინოპროდუქციაში ქართველი მსახიობის მონაწილეობა, ეკრანზე რთული საბჭოთა კრიმინალის სახის შექმნა და ამავე დროს ფილმის მუსიკალურ ნაწილში ქართული ენის ჩართვა მის პროფესიულ გზაზე ერთმანეთისგან განსხვავებულ გამოცდილებებს აერთიანებს.
ფილმის იტალიის სახელით “ოსკარზე“ წარდგენისთვის განხილვამ კი ამ ისტორიას კიდევ ერთი მნიშვნელოვანი შრე შემატა. საბოლოო არჩევანზე საუბრის ნაცვლად, ჩიქოვანი ყურადღებას სწორედ იმ ფაქტზე ამახვილებს, რომ Finale Allegro იმ ნამუშევრებს შორის აღმოჩნდა, რომლებიც ამ შესაძლებლობისთვის განიხილებოდა - და ამბობს, რომ თავად ეს ფაქტიც მისთვის დიდი სიურპრიზი იყო.
ლუკა ჩიქოვანისთვის ეს კიდევ ერთი შემთხვევაა, როდესაც ქართული წარმომავლობა და იტალიურ კინოში მისი პროფესიული ცხოვრება ერთ სივრცეში ხვდება - ამჯერად ეკრანზე შექმნილ რთულ პერსონაჟთან, ლეგენდარულ მსახიობ ბარბარა ბუშესთან თანამშრომლობასა და ქართულ ენაზე შესრულებულ მუსიკალურ ნაწილთან ერთად.