რუსებმა კიევში ხიდი დაბომბეს - ტრანსპორტის მოძრაობა პარალიზებულია
რუსებმა კიევში სამხრეთის ხიდს ბალისტიკური რაკეტით დაარტყეს, რის შედეგადაც, ტრანსპორტის მოძრაობა შეჩერდა, - ინფორმაციას უკრაინული მედია ავრცელებს.
რუსული ძალების მიერ კიევზე განხორციელებული იერიშის შედეგად უკრაინის დედაქალაქში სამხრეთის ხიდი დაზიანდა.
„დარტყმა სამხრეთის ხიდზე განხორციელდა. დაზიანდა მასზე არსებული მეტროს ინფრასტრუქტურაც“, - განაცხადა კიევის მერმა ვიტალი კლიჩკომ.
ხიდზე მეტროს ინფრასტრუქტურის დაზიანების გამო, მატარებლების მოძრაობა შეიზღუდა. ასევე, ხიდზე ტრანსპორტის მოძრაობა ორივე მიმართულებით დროებით შეჩერდა.
"ინტერპრესნიუსი"