ოცნებობდა საუკეთესო მეომარი ყოფილიყო, მაგრამ... - კვირის პალიტრა

ოცნებობდა საუკეთესო მეომარი ყოფილიყო, მაგრამ...

გიორგი ადამოვის ბინის შესასვლელში 20-იოდე წლის გოგონა იატაკზე, თავჩარგული მოთქვამს. ის გიორგის საცოლეა. 23 მაისს ბიჭს 23 წელი შეუსრულდა. დროა ცოლი შევირთოო, უთქვამს წასვლამდე და საცოლე ოჯახისთვის წარუდგენია...

დალი ადამოვი, გიორგის და - "6 ივნისს, დილით, შვიდ საათზე დაგვირეკა და ყველა მოგვიკითხა. მასზე 11 წლით უფროსი ვიყავი. ულამაზესი ძმა მყავდა, ძალიან  მამაცი, კეთილი და თავმდაბალი. ბავშვობიდანვე გამოირჩეოდა განსაკუთრებული ხასიათით, დამოუკიდებლობით. ერთხელ მონასტერში წასულა, ისე, რომ არ გვითხრა. გვისაყვედურა, რომ ვეძებდით, სად უნდა წავსულიყავი, რამეს ხომ არ დავაშავებდიო. ოცნებობდა საუკეთესო მეომარი ყოფილიყო, მაგრამ... არ ვიცი, რა უნდა ვთქვა, წარმოუდგენელი ტკივილი გამეფდა ჩვენს სახლში, რომელსაც ვერაფერი მოაშუშებს. გიორგი ისეთი იყო, თავისი საქმით იტყოდა სათქმელს, მაგრამ არ დააცალა ოხერმა სიკვდილმა..."

P.S. გორიდან წამოსვლის წინ დაღუპული ბიჭების ფოტოების ასლების დასამზადებლად შევიარე იქ, სადაც ქსეროქსის აპარატი ედგათ, რათა ორიგინალები ბიჭების ოჯახებში დამებრუნებინა, რამდენი მოგართვათ? ვიკითხე. საყვედურით სავსე ნაღვლიანი თვალებით შემომხედეს ბიჭებმა, - ჩვენ მათთვის ამის გარდა აღარაფრის გაკეთება აღარ შეგვიძლიაო და ფოტოები მომაწოდეს.

P.P.S. ცხინვალის ომში დაღუპული ვახტანგ გზირიშვილის დედა, მარინე ავღანეთში დაღუპულების ოჯახებში დადის, რომ შვილმკვდარი დედები გაამხნევოს, სოლიდარობის გამოხატვისთვის ვინმეს მაგალითი სჭირდება? აი მაგალითიც.

იხილეთ სტატიის სრული ვერსია:

”ავღანური იარა”