პატრიარქს გულის სისხლძარღვზე სამკურნალო ინვაზიური ჩარევა დასჭირდა
სრულიად საქართველოს კათოლიკოს-პატრიარქს, ილია მეორეს, გერმანიაში გულის სისხლძარღვზე სამკურნალო ინვაზიური ჩარევა დასჭირდა.
"სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე იმყოფება გერმანიაში, სადაც უტარდება მკურნალობა. კორონაროგრაფიული გამოკვლევით გამოიკვეთა, რომ საჭირო იყო დამატებით ინვაზიური სამკურნალო ჩარევა გულის სისხლძარღვზე. პროცედურამ წარმატებით ჩაიარა. სრულიად საქართველოს კათოლიკოს-პატრიარქი თბილისში სავარაუდოდ, 30 ივლისს დაბრუნდება", - ნათქვამია საქართველოს საპატრიარქოს მიერ გავრცელებულ განცხადებაში.
პატრიარქი ბერლინის ერთ-ერთ კლინიკაში გეგმური სამკურნალო-პროფილაქტიკური კურსის ჩასატარებლად 14 ივლისს გაემგზავრა.
ასევე დაგაინტერესებთ:”ილია მეორის წინააღმდეგ ტერაქტს ამზადებდნენ.... პატრიარქს ეკლესიაში გამოწვას უპირებდნენ?” – უცნობი ფაქტები პატრიარქის ცხოვრებიდან