"პატრიარქს პატიმრების შეწყალების უფლება უნდა ჰქონდეს"
"ამაზე ვისაუბრეთ პრემიერ-მინისტრთან და ალბათ პრემიერი დააყენებს ამ საკითხს"
საქართველოს კათოლიკოს-პატრიარქის, ილია მეორის განცხადებით, პატრიარქს პატიმრების შეწყალების უფლება უნდა ჰქონდეს.
ზემოთ აღნიშნული პატრიარქმა მას შემდეგ ბრძანა, რაც მსჯავრდებულების დადგმული სპექტაკლი - "ჩემი მძევალი ანგელოზები" ნახა. პატრიარქის სიტყვით გამოსვლას პრემიერ-მინისტრი ირაკლი ღარიბაშვილიც დაესწრო, თუმცა პატრიარქის განცხადებაზე პრემიერს კომენტარი არ გაუკეთებია.
"ვფიქრობ, რომ პატრიარქს უნდა ჰქონდეს უფლება, შეიწყალოს პატიმრები და ბრალდებულები. ამაზე ვისაუბრეთ პრემიერ-მინისტრთან და ალბათ პრემიერი დააყენებს ამ საკითხს", - ბრძანა უწმინდესმა.
პატრიარქმა სპექტაკლში მონაწილე მსჯავრდებული ქალები დალოცა და ბეჭდებით დაასაჩუქრა.
"ინტერპრესნიუსი"