აფეთქება ვარკეთილში ავტოფარეხში - დაშავებულია ერთი ადამიანი
ვარკეთილში, ავტოფარეხში აფეთქება მოხდა. არსებული ინფორმაციით, აღნიშნულის მიზეზი გაზის გაჟონვა გახდა.
როგორც ადგილობრივები აცხადებენ, ავტოფარეხს საცხოვრებელი დანიშნულებით იყენებდნენ.
როგორც "ინტერპრესნიუსს" სასწრაფო-სამედიცინო დახმარების პრესსამსახურში განუცხადეს, მომხდარი აფეთქების შედეგად ერთი ადამიანი დაშავდა.
მათივე ინფორმაციით, დაშავებულს დამწვრობის გარდა, მიღებული აქვს თავის ტრავმა და ის სასწრაფო-სამედიცინო დახმარების ბრიგადას ინგოროყვას კილინკაში გადაჰყავს.