ქუთაისის აეროპორტში ნარკოტიკების გადატანის ფაქტზე 10 ქართველი ახალგაზრდა ქალი დააკავეს?! - კვირის პალიტრა

ქუთაისის აეროპორტში ნარკოტიკების გადატანის ფაქტზე 10 ქართველი ახალგაზრდა ქალი დააკავეს?!

არსებული ინფორმაციით, ქუთაისში დავით აღმაშენებლის სახელობის აეროპორტში რამდენიმე ახალგაზრდა დააკავეს. შემთხვევა ცოტა ხნის წინ მოხდა. გავრცელებული ინფორმაციით, ახალგაზრდების დაკავება ნარკოტიკული ნივთიერების გადატანის ფაქტზე მოხდა. ამავე ინფორმაციით, დაკავებულია 10 ქართველი ახალგაზრდა ქალი.

შსს-ში ადასტურებენ, რომ ქუთაისის აეროპორტში ოპერატიული ინფორმაციის საფუძველზე შესაბამისი ღონისძიება მიმდინარეობს, თუმცა ამ ეტაპზე უწყებაში კონკრეტული პირების დაკავების შესახებ ინფორმაციას არ ავრცელებენ.

როგორც ”ინტერპრესნიუსს” უწყებაში განუმარტეს, დამატებით ინფორმაციას აეროპორტში მიმდინარე ღონისძიებასთან დაკავშირებით, მოგვიანებით გაავრცელებენ.