მცხეთაში ავარიისას სამხედრო ექთანი დაიღუპა, 2 სამხედრო პირი კი საავადმყოფოში გადაიყვანეს
მცხეთაში ავტოავარის შედეგად სამხედრო ექთანი დაიღუპა. არსებული ინფორმაციით, პიკაპის ტიპის ავტომობილის მძღოლმა მცხეთის ხიდთან საჭე ვერ დაიმორჩილა და მდინარე მტკვარში გადავარდა. შემთხვევის დროს ავტომობილში კიდევ 2 სამხედრო პირი იმყოფებოდა, რომლებიც საავადმყოფოში გადაიყვანეს. მათი მდგომარეობა სტაბილურია.
მაშველებმა ავტომობილის ამოყვანა მდინარიდან უკვე მოახერხეს.
როგორც ”ინტერპრესნიუსს” შინაგან საქმეთა სამინისტროში განუცხადეს, მომხდართან დაკავშირებით გამოძიება დაწყებულია სისხლის სამართლის კოდექსის 276-ე მუხლით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.