ბათუმის მოვლენებში მონაწილე 6 პირი სისხლის სამართლის ბრალდებით დააკავეს
სამართალდამცავებმა ბათუმში რამდენიმე დღის წინ განვითარებულ მოვლენებთან დაკავშირებით კიდევ 6 პირი დააკავეს.
როგორც „ინტერპრესნიუსს“ შსს-ში განუცხადეს, ამჯერად საქმე „სისხლის სამართლის კოდექსის“ საფუძველზეა აღძრული.
დაკავება განხორციელდა ორი მუხლით. ესენია „სისხლის სამართლის კოდექსის“ 225 - ე მუხლი, რაც მასობრივ არეულობას გულისხმობს და 353-ე პრიმა მუხლი, რაც ითვალისწინებს პოლიციელზე თუ ხელისუფლების სხვა წარმომადგენელზე ან საჯარო დაწესებულებაზე თავდასხმას.
„გამოძიება გრძელდება. ვაგრძელებთ პირების იდენტიფიცირებას და მტკიცებულებების შეგროვებას“, - განაცხადეს შსს-ში.
"ინტერპრესნიუსი"