"იყო სროლა, რის გამოც ტყის მიმდებარე ტერიტორიაზე ხანძარი გაჩნდა" - რა ხდება ორჭოსანის ბაზაზე, სადაც ოკუპანტების გააქტიურება შეინიშნება - კვირის პალიტრა

"იყო სროლა, რის გამოც ტყის მიმდებარე ტერიტორიაზე ხანძარი გაჩნდა" - რა ხდება ორჭოსანის ბაზაზე, სადაც ოკუპანტების გააქტიურება შეინიშნება

სუს-ი - ოკუპირებულ ტერიტორიაზე რუსეთის საოკუპაციო ძალების წვრთნები მიმდინარეობს, ცხელი ხაზიდან მიღებული ინფორმაციით, ადგილი ჰქონდა მცირე ზომის ხანძარს

სახელმწიფო უსაფრთხოების სამსახური ადასტურებს, რომ ოკუპირებულ ტერიტორიაზე რუსეთის საოკუპაციო ძალების წვრთნები მიმდინარეობს, - ამის შესახებ "ინტერპრესნიუსს" სუს-ში სოციალურ ქსელში გავრცელებული იმ ინფორმაციის კომენტირებისას განუცხადეს, რომელის თანახმადაც, ორჭოსანის ბაზაზე რუსი ოკუპანტები გააქტიურდნენ, გამოიყვანეს გარკვეული ტექნიკა, იყო სროლა, რის გამოც ტყის მიმდებარე ტერიტორიაზე ხანძარი გაჩნდა.

სუს-ის განმარტებით, ოკუპირებულ ტერიორიტიაზე ადგილი აქვს მცირე ზომის ხანძარს, "რომელსაც საოკუპაციო ძალების შესაბამისი ე.წ. სამაშველო სამსახურები უმოკლეს დროში ჩააქრობენ".

"აღნიშნულ ინფორმაციასთან დაკავშირებით საქმის კურსში იქნა ჩაყენებული ევროკავშირის სადამკვირვებლო მისია ცხელი ხაზით მიღებული ინფორმაციის თანახმად, ოკუპირებულ ტერიტორიაზე მიმდინარეობს რუსეთის საოკუპაციო ძალების წვრთნები. ასევე, ცხელი ხაზიდან მიღებული ინფორმაციის თანახმად, ოკუპირებულ ტერიორიტიაზე ადგილი ჰქონდა მცირე ზომის ხანძარს რომელსაც საოკუპაციო ძალების შესაბამისი ე.წ. სამაშველო სამსახურები უმოკლეს დროში ჩააქრობენ", - განაცხადეს სუს-ში.

"ინტერპრესნიუსი"