თურქული ავიაცია გზაშია - ერთი თვითმფრინავი და ორი ვერტმფრენი ხანძარს ახლა აბასთუმანში ჩააქრობს - კვირის პალიტრა

თურქული ავიაცია გზაშია - ერთი თვითმფრინავი და ორი ვერტმფრენი ხანძარს ახლა აბასთუმანში ჩააქრობს

საქართველოს თურქეთი ამჯერად აბასთუმანში გაჩენილი ხანძრის სალიკვიდაციო სამუშაოებში დაეხმარება. საქართველოში თურქეთის ელჩის, ზექი ლევენთ გუმრუჩქუს განცხადებით, საქართველოს საჰაერო სივრცეში თურქეთის ერთი თვითმფრინავი და 2 ვერტმფრენი დღის მეორე ნახევარში შემოვა.

”გასულ კვირას თურქეთი იყო ის ერთ-ერთი ქვეყანა, რომელმაც დახმარება გაუწია საქართველოს. ახლა გავიგეთ აბასთუმნის ტერიტორიაზე გაჩენილი ცეცხლის თაობაზე. შესაბამისად, ახლაც მზად ვართ დავეხმაროთ ქართულ მხარეს და ცეცხლის სალიკვიდაციო სამუშაოებში ჩავერთვებით. გზაში არის ჩვენი ქვეყნის ერთი თვითმფრინავი და ორი ვერტმფრენი. ისინი დღის მეორე ნახევრიდან შეუერთდებიან ცეცხლის ჩაქრობის პროცესს. ეს არის ის, რაც უნდა გაუკეთოს მეგობარმა ქვეყანამ მეგობარ ქვეყანას”, - განაცხადა გუმრუქჩუმ.

როგორც ცნობილია, თურქეთის ავიაცია ბორჯომის ხეობაში გაჩენილი ხანძრის სალიკვიდაციო სამუშაოებშიც მონაწილეობდა.

"ინტერპრესნიუსი"