ბიძინა ივანიშვილი პოლიტიკაში დაბრუნების შემდეგ მედიასთან დღეს პირველად ისაუბრებს
პარტია "ქართული ოცნება-დემოკრატიული საქართველოს" თავმჯდომარე, ყოფილი პრემიერ-მინისტრი ბიძინა ივანიშვილი პოლიტიკაში დაბრუნების შემდეგ მედიასთან დღეს პირველად ისაუბრებს.
ბიძინა ივანიშვილი გადაცემაში "აქტუალური თემა მაკა ცინცაძესთან ერთად" მიიღებს მონაწილეობას. ყოფილ პრემიერთან ინტერვიუ საზოგადოებრივი მაუწყებლის ეთერში 21:45 საათზე გავა.
როგორც ცნობილია, ივანიშვილი პოლიტიკაში, პარტია "ქართული ოცნების" თავმჯდომარის რანგში დაახლოებით 3 თვის წინ დაბრუნდა. აქტუალურ პოლიტიკურ თემებზე მას ჟურნალისტებთან ჯერჯერობით არ უსაუბრია.