9 თვის ბავშვი, რომელიც ბებიას ჰყავდა ჩაბარებული, სახლში გარდაცვლილი იპოვნეს
გორის მუნიციპალიტეტის სოფელ ბერბუკში 9 თვის ბავშვი სახლში გარდაცვლილი იპოვნეს. ბავშვი ბებიას ჰყავდა ჩაბარებული. სასწრაფო დახმარების ჯგუფს გამოძახებისას ბიჭუნა გარდაცვლილი დახვდა.
მომხდარის შესაძლო ვერსიები არ სახელდება. არსებული ინფორმაციით, ბავშვი ჯანმრთელი იყო. გამოძიება სსკ-ს 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.
ცხედარს ლევან სამხარაულის სახელობის ექსპერტიზის ბიუროს გორის განყოფილებაში ექსპერტიზა უტარდება.
"ინტერპრესნიუსი"