მალხაზ კობაურის დედა და დეიდა, რომლებიც განაჩენის გამოცხადების შემდეგ შეუძლოდ გახდნენ, ჰოსპიტალში გადაიყვანეს
ხადას ხეობაში სმიტების ოჯახის სამი წევრის მკვლელობასა და ლორა სმიტის გაუპატიურების საქმეზე მსჯავრდებულ მალხაზ კობაურის დედა და დეიდა გორის სამხედრო ჰოსპიტალში გადაიყვანეს.
მოსამართლის მიერ კობაურისთვის უვადო პატიმრობის შეფარდების გამოცხადების შემდეგ, მსჯავრდებულის დედაც და დეიდაც შეუძლოდ გახდნენ.
გორის სასამართლოში სასწრაფო დახმარების ბრიგადები გამოიძახეს და ორივე მათგანის გადაყვანა სამხედრო ჰოსპიტალში მოხდა.
ხადას ხეობაში სმიტების ოჯახის სამი წევრის მკვლელობასა და ლორა სმიტის გაუპატირების საქმეზე მსჯავრდებულ მალხაზ კობაურს მოსამართლემ უვადო თავისუფლების აღკვეთა შეუფარდა. მოსამართლის მიერ გამოცხადებულ გადაწყვეტილებას სასამართლო დარბაზში კობაურის ოჯახის უკმაყოფილება და ხმაური მოჰყვა.
შეგახსენებთ, რომ ხადას ხეობაში სმიტების ოჯახის სამი წევრის მკვლელობაში ბრალდებულ მალხაზ კობაურს ნაფიცმა მსაჯულებმა 25 მარტს, 4 საათიანი თათბირის შემდეგ, გამამტყუნებელი ვერდიქტი გამოუტანეს.
კობაური ნაფიცმა მსაჯულებმა წარდგენილ ყველა ბრალში ერთხმად დამნაშავედ სცნეს, მათ შორის, ლორა სმიტის გაუპატიურებაშიც.
"ინტერპრესნიუსი"