ჯანდარის ტბაში ორ მამაკაცს ეძებენ
გარდაბნის მუნიციპალიტეტში, ჯანდარის ტბაში, საგანგებო სიტუაციების მართვის სამსახურის თანამშრომლები ორ მამაკაცს ეძებენ. როგორც "ინტერპრესნიუსს" საგანგებო სიტუაციების მართვის სამსახურში განუცხადეს, ადგილზე სამძებრო სამუშაოებს ტბაში ნავით აწარმოებენ.
არსებული ინფორმაციით, მამაკაცები მეთევზეები არიან და თევზაობის დროს მათი ნავი წყლის დინებამ წაიღო. ერთ-ერთმა თავად დარეკა 112-ში და დახმარება ითხოვა.
"ინტერპრესნიუსი"