კუბას 1976 წლის შემდეგ პირველი პრემიერ-მინისტრი ჰყავს
კუბის ნაციონალურმა ასამბლეამ პრემიერ-მინისტრის თანამდებობაზე მანუელ მარერო კრუზი დაამტკიცა, - ამის შესახებ ინფორმაციას "დოიჩე ველე" ავრცელებს.
გამოცემის ცნობით, მანუელ მარერო კრუსი, რომლის კანდიდატურა პრეზიდენტმა მიგელ დიას-კანელიმ წარადგინა, პირველი პრემიერ-მინისტრია 1976 წლის შემდეგ.
პროფესიით არქიტექტორ მანუელ მარერო კრუსს 16 წლის განმავლობაში კუბის ტურიზმის მინისტრის პოსტი ეკავა.
კრუსის წინამორბედი ფიდელ კასტრო იყო, რომელიც პრემიერ-მინისტრის თანამდებობის გაუქმების შემდეგ კომუნისტური პარტიის ლიდერი და ქვეყნის პრეზიდენტი გახდა. 2006 წელს მან ხელისუფლება საკუთარ ძმას - რაულ კასტროს გადააბარა, რომელსაც პრეზიდენტის პოსტი 12 წლის განმავლობაში ეკავა.
ახალი კონსტიტუციის თანახმად, პრეზიდენტის უფლებამოსილება ამჟამინდელ პრეზიდენტ მიგელ დიას-კანელისა და ახლადდანიშნულ პრემიერ-მინისტრ მანუელ მარერო კრუსს შორის გადანაწილდება.
"ინტერპრესნიუსი"