იტალიაში კორონავირუსით გამოწვეულმა სიკვდილიანობამ ჩინეთისას გადააჭარბა - ჩინელი ექსპერტები იტალიაში მიღებულ ზომებს აკრიტიკებენ
ჩინელი ექსპერტები, რომლებიც იტალიაში ჩავიდნენ, აცხადებენ, რომ ზომები, რომელიც ქვეყანამ მიიღო საკმარისი არ არის. ინფორმაციას CNN-ი ავრცელებს.
"უხანში ქალაქის კარანტინის შემდეგ ერთ თვეში, ჩვენ ვხედავთ ინფიცირების შემთხვევების კლებას. აქ, მილანში, რომელიც ყველაზე რთული რეგიონია კორონავირუსის გავრცელების მასშტაბებით, მკარცი კარანტინი არ მოქმედებს: საზოგადოებრივი ტრანსპორტი კვლავ მუშაობს და ხალხი ქუჩებში დადის, სადილებს და დღესასწაულებს მართავენ სასტუმროებში და ნიღბებს არ ატარებენ. ჩვენ გვჭირდება, რომ ყველა მოქალაქე ჩაერთოს კორონავირუსთან ბრძოლაში“,-განაცხადა ჩინეთის წითელი ჯვრის ვიცე-პრეზიდენტმა, სან შუოპენგმა. 
ცნობისთვის, დღევანდელ იმონაცემებით, იტალიაში კორონავირუსით გამოწვეულმა სიკვდილიანობამ ჩინეთისას გადააჭარბა.
"ინტერპრესნიუსი"