ოკუპირებულ "სამხრეთ ოსეთში" კორონავირუსით ინფიცირებულთა რაოდენობა 11-მდე გაიზარდა
ოკუპირებულ "სამხრეთ ოსეთში", კორონავირუსი კიდევ 8 ადამიანს დაუდასტურდა. ამის შესახებ ე.წ. "იუგოსეტპოტრებნადზორის" თავმჯდომარის მოადგილემ, ანა გაგლოევამ განაცხადა. ინფორმაციას "სპუტნიკ ოსეტია" ავრცელებს. აღნიშნული მონაცემებით, ოკუპირებულ სამხრეთ ოსეთში, კორონავირუსით ინფიცირებულთა რაოდენობა 11-მდე გაიზარდა.
ცნობისთვის, გუშინ ცხინვალში კორონავირუსის პირველი სამი შემთხვევის შესახებ განაცხადეს.
"ინტერპრესნიუსი"