სუს-ის თანამშრომელს კორონავირუსი დაუდასტურდა, უწყების 38 თანამშრომელი კარანტინშია გადაყვანილი
სახელმწიფო უსაფრთხოების სამსახურის ერთ-ერთ თანამშრომელს კორონავირუსი დაუდასტურდა.
როგორც "ინტერპრესნიუსს" სუს-ში განუცხადეს, ამ პირთან დაკავშირებული უწყების 38 თანამშრომელი კარანტინშია გადაყვანილი. მათ პირველადი ტესტირებით კორონავირუსი არ უდასტურდებათ.
უწყების ცნობით, მიმდინარეობს კონტაქტების დადგენა.
ამასთან, უცნობია, თავად უწყების თანამშრომლის დაინფიცირების წყარო.
"ინტერპრესნიუსი"