იმსჯელეს თუ არა საკოორდინაციო საბჭოზე 3 იანვრიდან სრული ლოქდაუნის საკითხზე? - რას ამბობს ამირან გამყრელიძე? - კვირის პალიტრა

იმსჯელეს თუ არა საკოორდინაციო საბჭოზე 3 იანვრიდან სრული ლოქდაუნის საკითხზე? - რას ამბობს ამირან გამყრელიძე?

დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, საკოორდინაციო საბჭოზე 3 იანვრიდან სრულ ლოქდაუნზე მსჯელობა არ ყოფილა. როგორც გამყრელიძემ უწყებათაშორისი საკოორდინაციო საბჭოს სხდომის შემდეგ განაცხადა, თუ ეპიდვითარება არსებულ დონეზე შენარჩუნდება, ლოქდაუნის საკითხი დღის წესრიგში არ დადგება.

"ვაკვირდებით ეპიდსიტუაციას. თუ ეპიდსიტუაცია იქნა მსგავსი, როგორიც დღეს გვაქვს, რა თქმა უნდა, ეს საკითხი განხილული არ იქნება, მაგრამ ის შეზღუდვები იქნება, რაც 2-თვიანი გეგმით არსებობს",-აღნიშნა მან.