"რაც არის აფხა­ზე­თი ჩემ­თვის, ყვე­ლამ იცით..." - რას წერს ხოფერია მინისტრად დანიშვნის შემდეგ? - კვირის პალიტრა

"რაც არის აფხა­ზე­თი ჩემ­თვის, ყვე­ლამ იცით..." - რას წერს ხოფერია მინისტრად დანიშვნის შემდეგ?

ეკა ხოფერია, რომელიც აფხაზეთის ავტონომიური რესპუბლიკის განათლებისა და კულტურის მინისტრად დაინიშნა, პოსტს აქვეყნებს და ამბობს, რომ მის ცხოვრებაში ახალი ეტაპი დაიწყო.

როგორც ჟურნალისტი წერს, მნიშვნელოვანი საქმეების გასაკეთებლად ძალას არ დაიშურებს.

"ჩემო მეგობრებო, ძალიან დიდი მადლობა! მართლაც სრულიად ახალი, საინტერესო, რთული და გამოწვევებით სავსე ეტაპი იწყება ჩემს ცხოვრებაში. რაც არის აფხაზეთი ჩემთვის, ყველამ იცით. ჩემი ცხოვრების განუყოფელი ნაწილია. არ დავიშურებ ენერგიას, ცოდნას, გამოცდილებას, დროს თუ კონტაქტებს მნიშვნელოვანი საქმეების საკეთებლად.

დღეიდან მე იმ ხალხის სამსახურში ვარ, რომელიც ძალიან მიყვარს და ჩემია... ასე რომ, მადლობა ნდობისთვის და ვიწყებ ხვალ დილიდან. ყველას, უკლებლივ ყველას, მადლობა მხარდაჭერისთვის, ბევრ თქვენგანთან ერთად დარწმუნებული ვარ, წინ სასიკეთო საქმეები გველის.

რაც ეხება გამომცმლობისა და ჟურნალ "სითის" მომავალს. მას ჟურნალის თანადამფუძნებელი, ჩემი და, თეა ხოფერია გაუძღვება "სითის"გუნდთან ერთად. ამდენად ახალი ეტაპი "სითის" ცხოვრებაშიც იწყება

ეკა ხოფერია

აფხაზეთის ავტონომიური რესპუბლიკის განათლებისა და კულტურის მინისტრი, 2020 , 29 დეკემბერი" - წერს ეკა ხოფერია.

წყარო