"ოკუპირებულ აფხაზეთში წვიმა მოვიდა და ამ ეტაპზე ცეცხლის ყველა კერა ჩამქრალია"
ოკუპირებულ აფხაზეთში წვიმა მოვიდა და ამ ეტაპზე ცეცხლის ყველა კერა ჩამქრალია. ინფორმაციას ამის შესახებ "სპუტნიკი" ავრცელებს. აფხაზეთის ე.წ. საგანგებო სიტუაციების მართვის მინისტრის ლევ კვიცინიას ცნობით, ცეცხლს მოსახლეობამდე არ მიუღწევია.
"წვიმა მოვიდა და ცეცხლი სრულად ჩააქრო. დღეს ახალი კერები გაჩნდა ოჩამჩირის რაიონშიც და ახლა ისიც ჩამქრალია. ჯერჯერობით უცნობია, თუ რამხელა ფართობია დამწვარია", - ამბობს ე.წ. სამინისტროს პრეს-მდივანი რომან ლაბია.
აფხაზეთის სხვადასხვა რაიონში ხანძარი 4 იანვარს გაჩენდა და რამდენიმე დღის განმავლობაში უშედეგოდ ებრძოდნენ. ხანძარი იყო გალში, გუდაუთაში, ტყვარჩელში, გაგრასა და ოჩამჩირეში.