"ჟვანია ულუ და ჟვანია ნარინი ვერ გვეყოლება - ახალი თავმჯდომარე უნდა იყოს და ჟვანია სავარძელში როგორ ჩაფრინდება?!" - კვირის პალიტრა

"ჟვანია ულუ და ჟვანია ნარინი ვერ გვეყოლება - ახალი თავმჯდომარე უნდა იყოს და ჟვანია სავარძელში როგორ ჩაფრინდება?!"

"საარჩევნო ცვლილებების მიღების შემდეგ, თამარ ჟვანია ავტომატურად წავა - ახალი კანონით ცესკოს თავმჯდომარე ახლებურად უნდა აირჩეს და ჟვანია სავარძელში როგორ ჩაფრინდება?!" - ამის შესახებ ჟურნალისტებს დეპუტატმა ალეკო ელისაშვილმა განუცხადა.

ელისაშვილი ირწმუნება, რომ 2021 წლის ადგილობრივი თვითმმართველობის არჩევნები თამარ ჟვანიას ხელმძღვანელობით არ ჩატარდება.

"მიღებული იქნება ახალი კანონი, რომელიც ცესკოს თავმჯდომარის ახალი წესით არჩევას განსაზღვრავს. ბუნებრივია, ჟვანია ულუ და ჟვანია ნარინი ვერ გვეყოლება - უნდა იყოს ცესკოს ახალი თავმჯდომარე", - განაცხადა ელისაშვილმა.

მემორანდუმის ტექსტის მიხედვით, საარჩევნო კოდექსში შესატანი ცვლილებების პროექტის ინიცირება 1 მარტამდე უნდა მოხდეს და 1 მაისამდე სამივე მოსმენა დასრულდეს. პარლამენტში დღეს პირველი სხდომა გამართᲐ საარჩევნო რეფორმის მიზნით შექმნილმა სამუშაო ჯგუფმა.

"ინტერპრესნიუსი"