პაატა იმნაძე განმარტავს, რატომ არ უქმდება "კომენდანტის საათი"
ვინც მუშაობს, 21:00 საათამდე ვერ ივლის სტუმრად და ვინც არ მუშაობს, ახლაც დადის სტუმრად - საუბარია მასიურობაზე, - ამის შესახებ დაავადებათა კონტროლის ეროვნული ცენტრის დირექტორის მოადგილემ, პაატა იმნაძემ კორონავირუსთან დაკავშირებით შექმნილი უწყებათაშორისი საკოორდინაციო საბჭოს სხდომის შემდეგ ბრიფინგზე განაცხადა.
კითხვაზე, რატომ არ უქმდება "კომენდანტის საათი", იმნაძე განმარტავს, რომ საქმე მასიურობას ეხება.
"ჩაის ხომ დალევენ ერთამენთთან რომ შეიკრიბებიან?! ნიღაბს ხომ ვერ გაიკეთებენ?!",- განაცხადა იმნაძემ.
პაატა იმნაძის განცხადებით, კერძო კომპანიებს ვაქცინის შემოტანა დღესაც შეუძლიათ, თუმცა "ვერ შოულობენ".
ამის შესახებ იმნაძემ კორონავირუსთან დაკავშირებით შექმნილი უწყებათაშორისი საკოორდინაციო საბჭოს სხდომის შემდეგ ბრიფინგზე განაცხადა.
"კერძო კომპანიებს დღესაც შეუძლიათ შემოიტანონ, ვერ შოულობენ, ვერ იშოვნიან, თორემ შემოიტანონ დღესაც, ვინ უშლით?!",- განაცხადა იმნაძემ.
"ინტერპრესნიუსი"