ზუგდიდი-თბილისის მატარებლის მიერ ავტომანქანაზე დაჯახების შედეგად დაშავებული ახალგაზრდა ქალის ჯანმრთელობის მდგომარეობა მძიმეა - კვირის პალიტრა

ზუგდიდი-თბილისის მატარებლის მიერ ავტომანქანაზე დაჯახების შედეგად დაშავებული ახალგაზრდა ქალის ჯანმრთელობის მდგომარეობა მძიმეა

ზუგდიდი-თბილისის მატარებლის მიერ მსუბუქ ავტომანქანაზე დაჯახების შედეგად დაშავებული ახალგაზრდა ქალის ჯანმრთელობის მდგომარეობა მძიმეა. ამის შესახებ "ინტერპრესნიუსს" ზუგდიდის რეფერალური ჰოსპიტალის კლინიკურმა მენეჯერმა სულხან ორჟონიამ განუცხადა. მისივე ინფორმაციით, დაშავებული გადაუდებელი მედიცინის განყოფილებაში იმყოფება.

"შემოყვანილია ავტოსაგზაო შემთხვევის შედეგად დაშავებული ქალბატონი. ის მოთავსდა გადაუდებელი მედიცინის განყოფილებაში. მიმდინარეობს კვლევა, მდგომარეობა მძიმეა",- აცხადებს სულხან ორჟონიამ.

ზუგდიდი-თბილისის სამგზავრო მატარებელი მსუბუქ ავტომანქანას დაეჯახა. შემთხვევის შედეგად ერთი ადამიანი დაშავდა. შს სამინისტრომ მომხდართან დაკავშირებით გამოძიება სისხლის სამართლის კოდექსის 275-ე მუხლით დაიწყო.