"ზიანი მომაყენეს, დაჭრილი ვიყავი, მაგრამ თავიდან დაბადება შევძელი" - რას წერს ნეკა დოროყაშვილი ?
ჩოგბურთელ ნიკოლოზ ბასილაშვილის ყოფილი მეუღლე, ნეკა დოროყაშვილი ყოფილი ქმრის მხრიდან ძალადობის სკანდალური საქმის შემდეგ, პირველად საუბრობს იმის შესახებ, თუ როგორ "მოიშუშა ჭრილობები." ნეკა "ინსტაგრამზე" ვრცელ პოსტს აქვეყნებს:
"ზოგჯერ ვფიქრობ, რომ ცხოვრება სიმარტივეს და სიკეთეს ეხება. არც ერთ ქალზე არ უნდა ახდენდეს ზეწოლას საზოგადოება გაიკეთოს პლასტიკური ოპერაციები, ან ატაროს მაკიაჟი ყოველ დღე. ძალიან ბევრი ლამაზი ქალია, მაგრამ მათ არ შეუძლიათ ბედნიერების პოვნა, ვერ პოულობენ ცხოვრების გზას. ამიტომ ვფიქრობ, რომ ჰარმონიისა და ბედნიერების მთავარი საიდუმლო უბრალოებაში, სიკეთეში, სამართლიანობაში და სხვების დახმარების სურვილშია. იმაში ,რომ იყოთ ორიენტირებულები მთავარ ღირებულებებზე და ყოველთვის იბრძოლოთ საყვარელი ადამიანებისთვის, ყოველთვის გახსოვდეთ, რომ იყოთ მართლები და სამართლიანები საკუთარ თავთან და სხვებთან.
თუ თავად არ შეგიძლიათ საკუთარ თავთან ჰარმონიის პოვნა, ვერავინ შეძლებს გაქციოთ ბედნიერად...ცხოვრება საინტერესო თავგადასავალია, ის მუდმივად გვასწავლის ახალ გაკვეთილებს, რომ გავიზარდოთ და უკეთესი გავხდეთ. არასდროს შეგეშინდეთ ცვლილებების, თუ გარისკვა არ შეგიძლიათ, ვერ მოიპოვებთ უკეთესს.
კარგი ადამიანი ყოველთვის თვითგანვითარებაზე უნდა იყოს ორიენტირებული. საყვარელი ადამიანების გამო არ გაქვთ გაჩერების უფლება. დიახ, თქვენ შეგიძლიათ აპატიოთ, მაგრამ არასდროს დაივიწყოთ, იმიტომ რომ სამყაროში ბევრი ბოროტებაა და თქვენ არ უნდა მისცეთ მათ უფლება გამოგიყენონ, ან ზიანი მიაყენონ თქვენს საყვარელ ადამიანებს.
სასურველ და მშვენიერ ქალად ყოფნა არ არის დაკავშირებული სილამაზესთან, ის უკავშირდება თქვენს ჩვევებსა და იმას, თუ როგორ აღიქვამთ სამყაროს.
მათ შეუძლიათ ზიანი მოგაყენონ, გატირონ, მაგრამ უნდა გამოკეთდეთ, ჭრილობები მოიშუშოთ და ისევ სცენაზე გამოხვიდეთ. დიახ, მე ზიანი მომაყენეს, დაჭრილი ვიყავი, მაგრამ თავიდან დაბადება შევძელი. ამ ბრძოლაში ჩემი ენერგიისა და მოტივაციის წყარო იყო ყველაზე მნიშვნელოვანი ადამიანი ჩემს ცხოვრებაში, ჩემი პატარა ანგელოზი, ლუკასი, ბიჭი, რომელსაც ყოველთვის სურს ჩემზე ზრუნვა და ჩემი დაცვა.
ის არის ერთადერთი, ყველაზე მნიშვნელოვანი, ჩემი ცხოვრების ენერგიის წყარო. მიყვარხარ და მადლობა, რომ ჩემს ცხოვრებაში ხარ, არასდროს არავის მივცემ უფლებას ზიანი მიაყენოს შენს ინტერესებს. მე შენ მყავხარ და შენ - მე, ამ ცხოვრებაში შენ ჩემთვის ყველაფერს ნიშნავ", - წერს ნეკა დოროყაშვილი.