ლილოსკენ მიმავალ გზაზე ტრაილერი გადაბრუნდა
თბილისში, ლილოსკენ მიმავალ გზაზე ტრაილერი გზის სავალი ნაწილიდან გადავიდა და გადაბრუნდა.
როგორც "ინტერპრესნიუსს" შინაგან საქმეთა სამინისტროდან აცნობეს, შემთხვევის შედეგად არავინ დაშავებულა.
მომხდართან დაკავშირებით, გამოძიება ადმინისტრაციულ სამართალდარღვევათა კოდექსის 125-ე მუხლითაა დაწყებული, რაც სატრანსპორტო საშუალების მძღოლის მიერ საგზაო მოძრაობის წესების დარღვევას გულისხმობს.