"მრავალგზის იმედგაცრუების შემდეგ ვწერ ამას, მენდეთ. დიდი ხანია, ამას ვაკვირდები და უკვე ზუსტად ვიცი" - კვირის პალიტრა

"მრავალგზის იმედგაცრუების შემდეგ ვწერ ამას, მენდეთ. დიდი ხანია, ამას ვაკვირდები და უკვე ზუსტად ვიცი"

ჟურნალისტი მაკა რაზმაძე "ფეისბუქის" პირად გვერდზე პოსტს აქვეყნებს, სადაც იმ გვერდებს, და მათ პროდუქციას - ფასისა და ხარისხის შეუსაბამობას, ეხმაურება, სადაც, როგორც წესი, მომხმარებლებს ნივთის საფასურს საჯაროდ არ უმხელენ და ხშირად შეხვდებით ფრაზას - "პირადში მოგწერთ".

"სულ მინდოდა ამის დაწერა და ბარემ დავწერ ახლა.

როცა აქ რაიმე გასაყიდ ნივთზე კითხულობთ ფასს და გეუბნიბიან - " პირადში მოგწერთ", უკვე იცოდეთ, რომ არის იაფფასიანი ის ნივთი და ღირს იმის ნახევარი, რასაც მოგწერენ იმ "პირადში".

დიდი ხანია ამას ვაკვირდები და უკვე ზუსტად ვიცი, რომ ასეა. სათვალეები, რომელიც აქ ღირდა ვითომ 44, 50, 60 ან მეტი ლარი, სინამდვილეში ყრია ბაზრობებზე და ღირს 15-20 ლარი.

ასევე ლინზები, ტანსაცმელი, ფეხსაცმელი თუ სხვა ნივთები.

ცოტა მაინც მიამატონ, ჯანდაბას, მაღაზიებში ვისაც ეზარება სიარული ადგილზე მოტანად ღირს, მაგრამ ესენი აᲛატებენ ნახევარს ან მეტსაც.

ასე რომ, რასაც ფასი არ აწერია, არ შეიძინოთ აქ, მრავალგზის იმედგაცრუების შემდეგ ვწერ ამას, მენდეთ", - წერს მაკა რაზმაძე.