"პოლიცია იმოქმედებს მისთვის მინიჭებული მანდატის ფარგლებში"- შსს "ნამახვანჰესის" მოწინააღმდეგეებთან მომხდარ დაპირისპირებაზე - კვირის პალიტრა

"პოლიცია იმოქმედებს მისთვის მინიჭებული მანდატის ფარგლებში"- შსს "ნამახვანჰესის" მოწინააღმდეგეებთან მომხდარ დაპირისპირებაზე

შინაგან საქმეთა სამინისტრო, გუმათში შეკრებილ "ნამახვანჰესის" მშენებლობის მოწინააღმდეგე მოქალაქეებს მოუწოდებს, დაიცვან კანონის მოთხოვნები და შეინარჩუნონ სიმშვიდე. პოლიცია იმოქმედებს მისთვის მინიჭებული მანდატის ფარგლებში და რეაგირებას მოახდენს კანონდარღვევის ნებისმიერ ფაქტზე.

"შინაგან საქმეთა სამინისტროს თანამშრომლები უსაფრთხოების ზომებიდან გამომდინარე და მოვლენების ხელოვნურად ესკალაციის თავიდან არიდების მიზნით, რიონის ხეობაში მობილიზებული არიან და საზოგადოებრივ წესრიგს იცავენ.

შინაგან საქმეთა სამინისტრო კიდევ ერთხელ მოუწოდებს შეკრებილებს, დაემორჩილონ პოლიციის კანონიერ მოთხოვნებს და არ გასცდნენ გამოხატვის თავისუფლების კანონით დასაშვებ ფარგლებს", - ნათქვამია განცხადებაში, რომელსაც შსს-ს ავრცელებს.

"ინტერპრესნიუსი"