"ივანიშვილს და მის დამქაშებს ძალიან სერიოზულ სიურპრიზს ვუმზადებთ" - კვირის პალიტრა

"ივანიშვილს და მის დამქაშებს ძალიან სერიოზულ სიურპრიზს ვუმზადებთ"

შემოდგომის რეფერენდუმის წინ ივანიშვილს და მის დამქაშებს ძალიან სერიოზულ სიურპრიზს ვუმზადებთ. ჩვენი ამოცანაა ივანიშვილის რეჟიმის, ამ გველეშაპის საქართველოდან ჩამოშორება, - ამის შესახებ საქართველოს მესამე პრეზიდენტმა მიხეილ სააკაშვილმა "ფეისბუქ" ჩართვის დროს განაცხადა.

მისივე თქმით, აღნიშნული სიურპრიზის გამო ყველა ვინც განაწყენდება, შეუძლია "ცივი წყალი დალიოს".

"შემოდგომის რეფერენდუმის წინ ივანიშვილს და მის დამქაშებს ძალიან სერიოზულ სიურპრიზს ვუმზადებთ და ამას სრულიად სერიოზულად ვამბობ. ქართველ ხალხს სასიამოვნო სიურპრიზს ვუმზადებთ, ვიღაცას გაუხარდება და ეს რამდენიმე მილიონი ქართველი იქნება და 100, 200, 300 კაცს ეწყინება. ყველამ ვისაც ეწყინება, როგორც ერთი საქართველოს ყოფილი პრეზიდენტი ამბობდა "ცივი წყალი დალიოს". ჩვენი ამოცანაა ივანიშვილის რეჟიმის, ამ გველეშაპის საქართველოდან ჩამოშორება. ამ ამოცანაზე.

ნამდვილად არავის არ ვურჩევ პარლამენტის კედლებში ჩაკეტვას. იმიტომ, რომ პარლამენტის კედლებში ჩაკეტვა ნიშნავს, რომ ისევ მათი თამაშის წესების ბოლომდე მიღებას, ჩაკეტვა არა, გამოყენება ჩვენდა სასარგებლოდ, რა თქმა უნდა! მთავარი სამიზნეა, შემოდგომაზე ამათი ჩამოშორება საქართველოს ხელისუფლებიდან", - განაცხადა სააკაშვილმა.