პარლამენტმა "ქართული ოცნების“ მიერ მომზადებული “ამნისტიის შესახებ" კანონპროექტი მეორე მოსმენით მიიღო - კვირის პალიტრა

პარლამენტმა "ქართული ოცნების“ მიერ მომზადებული “ამნისტიის შესახებ" კანონპროექტი მეორე მოსმენით მიიღო

ხანგრძლივი პოლიტიკური დებატებისა და ურთიერთბრალდებების შემდეგ, პარლამენტმა, მეორე მოსმენით, 19-20 ივნისის მოვლენებთან დაკავშირებით ფრაქცია “ქართული ოცნების“ მიერ მომზადებული “ამნისტიის შესახებ“ კანონპროექტი მიიღო.

ფრაქცია “ქართული ოცნების“ კანონპროექტს 77-მა დეპუტატმა დაუჭირა მხარი. პარლამენტის 23-მა წევრმა ხმა პროექტის წინააღმდეგ მისცა.

ფრაქცია “ქართული ოცნების“ კანონპროექტის თანახმად, სისხლისსამართლებრივი პასუხისმგებლობისა და სასჯელისაგან თავისუფლდება ყველა პირი, რომელმაც 2019 წლის 19-21 ივნისის მოვლენებთან დაკავშირებით ჩაიდინა დანაშაული და უარს არ აცხადებს მის მიმართ ამნისტიის გავრცელებაზე.

პარლამენტმა კვლავ არ უყარა კენჭი ამნისტიის შესახებ ოპოზიციის მიერ შეთავაზებულ ალტერნატიულ კანონპროექტს.

"ინტერპრესნიუსი"