კოვიდსტატისტიკა ამ დრომდე არ განახლებულა - კვირის პალიტრა

გასული 24 საათის ​კოვიდსტატისტიკა ჯერ არ განახლებულა. ვებ-გვერდზე, stopcov.ge-ზე, სადაც კორონავირუსის ყოველდღიური სტატისტიკა ქვეყნდება, კვლავ შეფერხებაა.

ჯერჯერობით უცნობია, როდის განახლდება მონაცემები.

საქართველოს ჯანდაცვის სამინისტროს ინფორმაციით, ვაქცინაციისთვის რეგისტრაციის პორტალზე - booking.moh.gov.ge მასირებული კიბერშეტევა განხორციელდა.

ვაქცინაციის პორტალ booking.moh.gov.ge-ზე კიბერშეტევის ფაქტზე გამოძიება ორი მუხლით დაიწყო. შსს-ს ცნობით, გამოძიება კომპიუტერული მონაცემის ანდა კომპიუტერული სისტემის უკანონოდ გამოყენებისა და ხელყოფის ფაქტზე საქართველოს სისხლის სამართლის კოდექსის 285-ე და 286-ე მუხლებით მიმდინარეობს.