ალასკაში ჰიდროთვითმფრინავის ჩამოვარდნის შედეგად პილოტი და ხუთი მგზავრი დაიღუპა
აშშ-ის ალასკას შტატში ჰიდროთვითმფრინავის ჩამოვარდნის შედეგად 6 ადამიანი - პილოტი და ხუთი მგზავრი - დაიღუპა.
შეერთებული შტატების სანაპირო დაცვისა და ფედერალური საავიაციო ადმინისტრაციის განცხადებით, თვითმფრინავი ქალაქ კეტჩიკანიდან ჩრდილო -აღმოსავლეთით დაახლოებით 13 კილომეტრში, კანადის საზღვართან ახლოს ჩამოვარდა.
ადგილზე გაგზავნილმა მაშველებმა განაცხადეს, რომ კატასტროფის შედეგად ჰიდროთვითმფრინავში მყოფი ყველა ადამიანი დაიღუპა.