ჯალალაბადში "თალიბანის" საწინააღმდეგო აქციაზე მინიმუმ 3 ადამიანი დაიღუპა
ავღანეთის ქალაქ ჯალალაბადში "თალიბანის" საწინააღმდეგო აქციაზე მინიმუმ 3 ადამიანი დაიღუპა და 10-ზე მეტი დაშავდა, - ინფორმაციას Reuters-ი ავრცელებს.
სააგენტო საკუთარ წყაროზე დაყრდნობით იუწყება, რომ თალიბებმა მომიტინგეებს ცეცხლი გაუხსნეს. თვითმხილველების განცხადებით, თალიბებმა ცეცხლი მაშინ გახსნეს, როდესაც ადგილობრივები ქალაქის მოედანზე ავღანეთის ეროვნული დროშის აღმართვას ცდილობდნენ.