ქარიშხალ "იდას" შედეგად, აშშ-ში 22 ადამიანი დაიღუპა - კვირის პალიტრა

ქარიშხალ "იდას" შედეგად, აშშ-ში 22 ადამიანი დაიღუპა

აშშ-ში, ნიუ-იორკისა და ნიუ-ჯერსის შტატებში ძლიერი წვიმის და წყალდიდობის შედეგად, რომელიც ქარიშხალმა "იდამ" გამოიწვია, სულ მცირე, 22 ადამიანი დაიღუპა. ამის შესახებ ტელეკომპანია NBC ადგილობრივ ხელისუფლებაზე დაყრდნობით იუწყება.

მათი მონაცემებით, ნიუ-იორკში სტიქიას რვა ადამიანი ემსხვერპლა, ნიუ-ჯერსიში კი 14 ადამიანი. ორივე შტატში საგანგებო მდგომარეობაა გამოცხადებული. ნიუ-იორკში დაღუპულთა შორის ორი წლის ბავშვი და სამი ქალია.

ნიუ-იორკში რამდენიმე საათის განმავლობაში 15-25 სანტიმეტრამდე ნალექი მოვიდა. სტიქიამ, ძირითადად, ბრუკლინისა და ქვინსის რაიონები დააზარალა, სადაც ადგილობრივები სახლების, ქუჩებისა და მეტროპოლიტენის დატბორვის შესახებ იუწყებიან. სტიქიამ ხელი შეუშალა აეროპორტების მუშაობას.

"ინტერპრესნიუსი"