"საქართველოს უნიათო მთავრობა, რა გგონია, გავჩუმდები?! მგონი არც იცით, ვინ გადაგეკიდათ" - კვირის პალიტრა

"საქართველოს უნიათო მთავრობა, რა გგონია, გავჩუმდები?! მგონი არც იცით, ვინ გადაგეკიდათ"

პეტრე კოლხმა რამდენიმე დღის წინ დედაქალაქის მერს კომინუალური გადასახადების გამო მიმართა. ის სოციალური ქსელის პირად გვერდზე საქართველოს მთავრობას მიმართავს:

"საქართველოს უნიათო მთავრობა, რა გგონია, გავჩუმდები?! მგონი არც იცით, ვინ გადაგეკიდათ, მაგრამ ეს ჩემი ბრალი არ არის, თქვენ მაიძულეთ, ეს ნაბიჯები გადამედგა... ხომ არ გგონიათ, რომელიმე პოლიტიკური პარტია ამოვიყენო გვერდზე და თქვენ სალაპარაკო მოგცეთ, ეს მღვდელი იმართებაო… სამართავები გვერდით გყავთ, მაგრამ ვერც მათ მართავთ… უმართავ სიტუაციაში აღმოჩნდით, ისევ თქვენი "გამჭრიახი” გონების წყალობით…

არც იფიქროთ, თქვენი ტროლების, ბოტების და ზომბების შემეშინდეს…გვერდით ისევ თქვენი ამომრჩევლები მეყოლება და ისე მოგადგებით… ის ხალხი, ვისაც უკანასკნელი იმედი გადაუწურეთ, ვისაც ყველა ოცნება წაართვით და მხოლოდ ერთი ბელადის გარშემო ტრიალებთ…

ჩვენი, ქვეყნის მოსახლეობის უმრავლესობის ნაწილის მოთხოვნა არის ერთი-გააუმჯობესეთ სოციალური ფონი, გადახედეთ კომუნალურებს და თქვენ მიერ დახარჯულ დენს და გაზსაც ჩვენ ნუ გვახდევინებთ…

შეიცოდეთ ემოგრანტები, ის წელში გადაწყვეტილი ხალხი და მიეცით არსებობის უფლება…თუ ეს ქვეყანა ფეხზე დგას, მხოლოდ მათი დამსახურებაა, თქვენი წყალობით, ერთი წელი ვერ გავძლებდით…

ღარიბაშვილო, შენი ძალიან პრიმიტიული ზღაპრები, ეკონომიკურ ზრდასთან დაკავშირებით, საკუთარ შვილებსაც არ მოუყვე, მომავალი თაობა მაინც არ მოწამლო ტყუილებით და ბოდვებით… თუ ასე ძალიან მოგწონს ილუზიაში ცხოვრება, სარკის პირისპირ ისაუბრე, რომ საკუთარი ჭია მაინც გამოკვებო…

საქართველოს მთავრობა, (თუკი ასეთი დეფინიცია არსებობს), დაინახეთ, რომ ქაქში ხართ და ხალხს ძალიან შია…საკუთარი სახლის კედლებზე გაიკარით, სიცოცხლის, სინათლის და სიყვარულით სავსე ქალაქების ტრაფარეტები, ჩვენ ასეთ ქვეყანაში კარგა ხანია აღარ ვცხოვრობთ… თქვენ ყველაფერს ხაზი გადაუსვით, ყველა წითელი ხაზი დაარღვიეთ…

თქვენ გაანადგურეთ საკუთარი ქვეყნის მოსახლეობა და გენოციდი მოუწყვეთ საკუთარ ხალხს… თქვენ მეასედ და მეათასედ აქციეთ დევნილებად, 250 ლარზე დარჩენილი ადამიანები…შიმშილს აიტანს კაცი, მაგრამ სულიერი შიმშილი, სულში ჩაფურთხება და ღირსების შელახვა გაუსაძლისია…იმ დონეზე დაეცით და ძირს ფორთხავთ, იმას გეხვეწებით, რომ ამ ზამთარს არ გაგვყინო, თქვენი გაუმაძღრობის და უსამართლობის გამო… არავინ გაბედოს, არ შემეხმიანოს და მორალის კითხვა არ დამიწყოს… არავის გაქვთ უფლება, ასე მოიქცეთ… მე მხოლოდ მას "ვემორჩილები” ვინც ჩვენზე-ხალხზე, ჩემს შვილებზე ზრუნავს და ადარდებს, როგორ ვცხოვრობთ, რა გვაწუხებს, რა გვიხარია, რა გვწყინს… დანარჩენებმა კარი მიიხურეთ და დადუმდით…ისეთს არაფერს ვითხოვთ - "შუქს ნუ ჩამიქრობ”-თ!..", - წერს სოციალურ ქსელში პეტრე კოლხი